PAROLE "FITIAVANA"
FITIAVANA
Fitiavana no anton'izao tontolo izao
Fitiavana no namonjena anao
Fitiavana no naha toy izao ahy
Fitiavana ho mandrakizay
Fitiavana avokoa izao rehetra izao
Fitiavana nohariana ahy sy ianao
Fitiavana tsy manam-paharoa
Ilay fitiavana nomen'i Jesoa
Raha vao niala tety an-tany Jeso Kristy
Nanafatrafatra dia izao no teniny
Mifankatiava ianareo
F'izay no ahafantaran'ny
Olona rehetra fa mpianany
Raha tonga tety Jeso Kristy
Moa mba fantatrao inona no antony?
Hanadio ilay fahotana vitanao hatrizay
Tamin'ilay rà izay nalatsany
Mifalia fa voavonjy isika re
Miderà ny Tompotsika lehibe
Mifandraisa tànana ianareo
Ndao hiara-hihira hanandra-peo
Andeha isika rehetra re mba hifankatia
Hifanaja sy hifanolotra fitia
Jeso irery ihany anie
Ilay tena Fitiavana
Mampiray antsika ho mpirahalahy
PAROLE " FANTATRAO VE"
FANTATRAO VE?
Fantatrao ve hoe toy inona moa
Ny famonjena nataon'i Jesoa
Izay nanolorany ny ainy ho anao
Ho ahy sy izao tontolo izao
Ref Miantso ny Tompo ka aza mandà
Mivonona hanompo handroso sy ho sahy
Tsy renao ve ny feony mambabo
Manaitra fo mamelona fanahy
Hamerina anao izay resy sy lavo
Ho eo amin'ny fitiavan'ny Ray
Jesosy tia manambitamby antsika
Be indra fo sy tsy mba masiaka
Azao iresahana foana isanandro
Hiantahantana amin'ny zava-manjo
PAROLE " JESO TIA"
JESO TIA
Tiako ianao JESO tia,Tiako ianao satria
Efa nitantana ahy tamin'ny ahiahy
Eny efa lehibe ny natanao ahy anie
Na dia mpiodin-doha sy nanamafy fo
Fa efa tsisy izay tsy vitanao
Hitiavana ahy nalatsakao ny rànao tiako ianao
Fa efa tsisy izay tsy vitanao
Hitiavana ahy nalatsakao ny rànao
Ou-ou-ou-ou tiako ianao JESO
Hihira aho Jeso tia,hidera anao satria
Tsara ny indrafonao isan'andro izao
Voavela ny heloko,nentinao ny ditrako
Ka fiainana vaovao no indro atolotrao
PAROLE "ILAY BE FITIAVANA"
ILAY BE FITIAVANA
Maro tokoa ireo zava-nihatra
Tao koa ny loza saika nandratra
Ndraindray koa nefa izahay minia
Manome tsiny anao Jeso Kristy
Na izany aza dia mbola tao dia tao
Ny fitiavan'i Jeso tsy mandao
Ka andeha fisaorana no atao
Sy hatolotsika azy izao
Tsy tsinjonao tokoa mazana
Ny làlantsarotra izay hombana
Kanefa Jeso toroy anay
F'izany no tsy maintsy hizoranay
Raha sendra tafiotra mahery
Ka mila ho fefika an-drano be
Dia mba ampaherezonao izahay
Hatoky anao
Mideza ary koa malama
Mandreraka aina sy mampahana
Ny fiainana izay diavinay
Ry Jeso mba tantanonao izahay
Irinay Jeso,Jeso be fitia
Ny hanohana anay mpivahiny ety
Dia hanolotra azavana soa
Sy maraim-baovao ihany koa
PAROLE "MIOMANA"
Miomana iska rehetra miaina ety
Miomana fa efa akaiky anie KRISTY
Miomana fa aza be fangataka andro ianao
Miomana mivonona dieny izao
Sao very ianao
Fa tsy fantatsika anie ny hora sy fotoana
Tsy nisy nampandre ny volana sy taona
Tsy fantatsika koa na ho mamanton'alina
Na ho maneno akoho koa miambena
Sao neninao
Mbola miandry antsika anie hatramin'izao
Ilay Tompo be fitia hamonjy anao
Ka araraoty ny famindram-pony aminao
Raiso izay mivonona dieny izao
Sao very ianao
PAROLE "RY MPIAMBINA"
RY MPIAMBINA
Misy miantso ahy any seira manao hoe
Misy miantso ahy any seira manao hoe
Ry mpiambina ô,ry mpiambina ô
Toy inona alina moa izao?
Ry mpiambina ô,ry mpiambina ô
Toy inona alina moa izao?
Dia hoy ny mpiambina
Dia hoy ny mpiambina nanao hoe
Avy ny maraina avy koa ny alina
Raha mbola te hanontany ianareo
Raha mbola te hanontany ianareo
Manontania ihany
Ka avia miverena
PAROLE "ANDEHA HITORY"
NDEHA HITORY
Taona maro izay
No niantsoan'ny Tompo anay
Hivondrona ho iray
Noho ny asany
Tao anefa ireo
Fisedrana maro be
Fanenjehana,fanaratsiana
Nefa raha tsy teo ianao JESO
Dia potika sy rava ialay fitoriana
Mbola lavitra ireo lalana aleha
Koa mangataka ny fitantananao
Mba tsy ho menatra eny tsy ho ketraka
Eo anatrehan'ireo asa ireo
Tanjona iray no ho tratrarinay
Dia ny hampihely ilay
Famonjena vitanao
Ankehitriny izao dia vonona aho handeha
Hitory ny filazantsara n'aiza n'aiza aleha
Vonona hijoro sy ho fanilo fahazavana
Eo anivon'ny fiaraha-monina
Firenena
Izao tontolo izao
FIFANDRAISANA
Tianao ve ny hiara-miasa amin'ny GE AMAFI ? aza misalasala mifandray amin'ireto fifandraisana ireto----
AMAFI -
LOT II H 101 ABB SOAVIMASOANDRO -
MME HANITRA
TEL : 033 11 754 08
TEL : 033 12 915 41
MR FIDELE
TEL : 033 12 360 06
MR RIJA
TEL : 033 11 527 91
http://www.amafi.canalblog.com
TANTARA AMAFI
Ny taona 1991 no niforona ny Antoko Mpihira AMAFI(Antoko Mpihira Akon'ny Fiderana).Ny komity mpanomana ny jobilin'ny Mpitandriana RAKOTONDRAVONY GILBERT tao amin'ny FJKM Isoavimasoandro Fihavaozana no nananganana azy hanomana ny hetsika izay atao mandritra ny herintaona.Rehefa vita anefa ny jobily dia maro no naniry ny hitohizan'ny fikambanana.Nentina teo amin'ny Fiangonana izany ka dia tapaka fa hajoro ho antoko mpihira velona ny AMAFI ka nadray anjara feno tamin'izay adidy rehetra niaraka tamin'ireo sampana hafa nadritra ny 12 taona.Mr RAKOTOARISOA Charles no nitarika azy voalohany ary nondibiasan'i Mr RAFIRINGA Maurice nanomboka ny 1996 ka hatramin'ny 2003. Noho ny Fandaminana nisy teo amin'ny Fiangonana dia natsahatra tsy ho fikambanana tao am-piangonana intsony ny AMAFI nanomboka ny Jolay 2003.Rehefa natao ny dinika maro isan-karazany dia tapaky ny mpikambana fa ho tohizana ny fikambana na ao anatin'ny fiangonana na tsy miankina amin'ny fiangonana satria misy Asa nanirahan'ny Tompo izay tokony ho tanterahana dia ny fitoriana ny filazantsara amin'ny endriny maro. Ny Semptambra 2003 no nijoro mahaleo tena tsy miankina amin'ny fiangonana ny GROUPE EVANGELIQUE AMAFI AKON'NY FIDERANA ka komity vonjimaika no nitanatana azy.Marihina fa tsy niova ny antom-pisiany dia ny hitory ny filazantsaran'i Jesoa Kristy amin'ny alalan'ny Hira sy ny dihy, sns... ny ho sehatra fitaizana sy fanomanana ny olona amin'ny asa fitoriana.
Septambra 2003 : Fijoroana vaovao
Desambra 2003 : Fanokanana Fanamiana vaovao
07 Mai 2004 : Fiviahan'ny CLIP "Handeha hitory"
27 Mai 2004 : Fivoahan'ny Clip "Ry Mpiambina"
13 Juin 2004 : Fitorian tao Antsahamanitra (45 ème Anniversaire KOLEJY RASALAMA)
07 Aout 2004 : Fitoriana tao amin'ny PALAIS DES SPORTS Mahamasina niaraka tamin'ny G E NASANDRATRA 30 Octobre 2004 : DEJEUNER CONCERT tao amin'ny Cantine Kanto Ankorondrano
21 Novembra 2004 : Fitoriana tao amin'ny FJKM Isoavimasoandro
22 Desambra 2004 : Noelin'Ny Artista teny amin'ny FJKM Ankadifotsy.
23 Janvier 2005 : Fitoriana tamin'ny alalan'ny Tantara sy Hira tao amin'ny FJKM Isoavimasoandro
27 Février 2005 : Fitoriana tany amin'ny fiangonana FJKM Ambodiafontsy
Fitoriana tany amin'ny fiangonana FJKM Alasora
Fitoriana tao ami'ny FJKM Isoavimasoandro niaraka tamin'i Bodo
23 Avril 2005 : Fitoriana tao amin'ny CAPITOLE Ivato niaraka tamin'ny SPAA 10
Ankoatr'ireo dia maro ny fitoriana izay nanirahan'ny Tompo izay tsy ary ho voatanisa eto avokoa. Ho an'Andriamnitra irery anie ny voninahitra !Amen
PROGRAMME
*05 Mai 2005 :Fitsangatsanganana eny amin'ny ENJELO Ambohidratsimo
* Mai 2005 : PRISE DE SON - CLIP : Jesoa Tia - Miomana
* 22 Mai 2005 : Fitoriana miaraka amin'ny SLK Fjkm Isoavimasoandro eny Analamahitsy